Biznesə başlamağın 7 əsas çətinliyi və onların öhdəsindən gəlmək yolları

Biznes qurmaq ürəyi zəif olanlar üçün deyil. Uğura çatmaq üçün qarşıdakı çətinlikləri düzgün müəyyənləşdirmək və həll etmək vacibdir.

Öz işinizin sahibi olmaq, daha çox gəlir əldə etmək, çevik iş qrafiki qurmaq və bacarıqlarınızı inkişaf etdirmək üçün biznes qurmaq əla bir qərardır. Amma hər bir dəyərli təşəbbüs kimi, yeni bir biznesin qurulması da ciddi çətinliklərlə müşayiət olunur.

Aşağıda sahibkarların üzləşdiyi 7 əsas çətinliyi və onların öhdəsindən gəlmək üçün tövsiyələri təqdim edirik:

1. Hər işi təkbaşına görmək

Yeni biznes sahibləri bir çox vəzifəni eyni vaxtda icra etməli olurlar: satış, marketinq, mühasibatlıq, informasiya texnologiyaları və sair. Amma bu sahələrin hamısında eyni dərəcədə peşəkar olmaq mümkün deyil və bu, tükənmişliyə gətirib çıxara bilər.

Nə etməli:

1. Güclü və zəif tərəflərinizi bilin, zamanınızı dəyərləndirin.

2. Virtual köməkçilər, rəqəmsal marketinq agentlikləri və ya IT partnyorları ilə əməkdaşlıq edin.

3. Kiçik Bizneslərin İnkişafı Mərkəzlərinin (SBA) dəstəyindən faydalanın.

4. Gündəlik tapşırıqları prioritet sırasına salın, planlı işləyin və ofisi səliqədə saxlayın.

2. Maliyyə tapmaq

Yeni başlayanlar üçün maliyyə mənbələri tapmaq böyük bir problemdir. Biznesin uzunmüddətli yaşaması üçün dayanıqlı maliyyə planı vacibdir.

Nə etməli:

1. SBA-nın tərəfdaşı olan SCORE mentorluq və təlim imkanları təqdim edir.

2. 50 000 dollardan az olan mikrokreditlərə müraciət edin.

3. SBA kreditlərinə və qrant proqramlarına baxın.

4. İnvestorlar üçün konkret, cəlbedici pitch hazırlayın.

3. Müştəri tapmaq və cəlb etmək

Əgər məhsulunuzu və ya xidmətinizi alan yoxdursa, uğur mümkün deyil. Bu səbəbdən hədəf auditoriyanı müəyyənləşdirmək və onların ehtiyaclarını anlamaq vacibdir.

Nə etməli:

1. Effektiv marketinq planı hazırlayın.

2. Sosial mediada kampaniyalar təşkil edin.

3. Email marketinq və video marketinq imkanlarından istifadə edin.

4. Digər şirkətlərlə ortaq marketinq razılaşmaları bağlayın.

5. Mətbuatın diqqətini çəkəcək tədbirlər keçirin.

6. Mövcud müştərilərlə keyfiyyətli xidmət göstərərək uzunmüddətli əlaqələr qurun.

4. İş-həyat balansını qorumaq

Yeni biznes sahibləri tez-tez şəxsi həyatlarını unutmaq və həddindən artıq işləmək riski ilə üzləşirlər. Bu isə sağlamlıq və motivasiyanın azalmasına səbəb ola bilər.

Nə etməli:

1. İş və şəxsi vaxt üçün dəqiq sərhədlər təyin edin.

2. Günə idman və ya sosial fəaliyyətlər əlavə edin.

3. "ABCD" metodu ilə tapşırıqları prioritetləşdirin.

4. Axşam saatlarını istirahət və ailə ilə keçirməyə çalışın.

5. Təhlükəsizlik şəbəkəsinin olmaması

Sabit maaş, səhiyyə sığortası və pensiya planı kimi imkanlar sahibkarlar üçün əlçatan deyil. Yeni biznes sahibləri hər şeyi sıfırdan qurmalı olurlar.

Nə etməli:

1. İşdən çıxmadan əvvəl side hustle kimi başlayın.

2. Angel investor, biznes krediti və ya qrant vasitəsilə maliyyə təmin edin.

3. Minimal xərclərlə başlayın, bulud əsaslı proqram təminatından istifadə edin.

6. Hesabatlılıq və motivasiya

Öz biznesinizdə hər şey sizin üzərinizdədir. Tapşırıqları vaxtında və effektiv şəkildə yerinə yetirmək üçün ciddi motivasiya və vaxt idarəçiliyi vacibdir.

Nə etməli:

1. Rəqəmsal təqvim və ya layihə idarəetmə proqramı seçin.

2. Gündəlik to-do list yaradın, hər bir tapşırığa vaxt və prioritet təyin edin.

3. "Bloklaşdırılmış cədvəl" (block scheduling) metodu ilə vaxtı idarə edin.

4. Effektiv saatlarınızı müəyyənləşdirin, vaxt alan işlər üçün freelancer cəlb edin.

7. İşçi seçimi və işdən azad etmə prosesi

Doğru komandanı yığmaq biznesin böyüməsi üçün həlledici amildir. Amma bu prosesi düzgün idarə etməmək, həm zaman, həm də maliyyə itkilərinə səbəb ola bilər.

Nə etməli:

1. Vakansiya elanı yazarkən konkret olaraq tələb etdiyiniz insan tiplərini təsvir edin.

2. Müsahibədə şirkət mədəniyyətini və gözləntiləri aydın izah edin.

3. Əgər işçi uyğun deyilsə, tez bir zamanda qərar verin və bunu açıq dialoqla həll edin.

4. Layiqsiz işçilərlə sağollaşmağı gecikdirməyin, lakin peşəkar davranın.

Tənzilə Ağabalayeva