Beşir Kemal Ustaoğlu: "Sərmayəsiz də sahibkar olmaq olar"

"Sahibkar olmaq üçün böyük sərmayə şərt deyil".

Valyuta.az xəbər verir ki, bunu qlobal iş inkişafı üzrə ekspert Beşir Kemal Ustaoğlu sosial şəbəkə hesabında etdiyi paylaşımda bildirib.

"Sərmayəsiz də sahibkar olmaq mümkündür. Kiçik bir məbləğlə başlayacaq, düzgün işi görəcəksən, biriləri səni görəcək", - deyə o qeyd edib.

B.K.Ustaoğlu paylaşımında "Starbucks"ın keçmiş rəhbəri Hovard Şultsun uğur hekayəsini nümunə göstərib:

"Starbucks"ı böyüdən Hovard Şultsun çox pulu var idi? 1971-ci ildə qurulmuş bir markanı 1986-cı ildə topladığı 1 milyon 450 min dollarla satın aldı. Ətrafında ona inanan insanları bir araya gətirdi.

O əlavə edib ki, Hovard Şults həmin dövrdə Nyu-Yorkda qəhvə aparatları üçün filtr satan bir şirkətdə satış təmsilçisi kimi çalışırdı. 

"1971-ci ildən 1986-cı ilə qədər cəmi altı "Starbucks" mağazası var idi. Bu gün isə onların sayı 40 mini ötüb. İllah da pulunuzun olması vacib deyil", - deyə Ustaoğlu vurğulayıb.

"İstəmək, inanmaq, çalışmaq, vaz keçməmək. Baxın, məsələ budur", - deyə o qeyd edib.

Sərvanə Rəmixanova