Bakıda 25 min manatlıq aylıq gəlir vəd edən premium restoran satılır

Bakının Ağ Şəhər ərazisində, əsas yolun birinci xəttində yerləşən tam fəaliyyətə hazır premium restoran kompleksi satışa çıxarılıb.

Valyuta.az xəbər verir ki, obyekt 24,7 sot torpaq sahəsində yerləşir. Restoran kompleksinin ümumi tikili sahəsi 500 kvadratmetr, banket zalının sahəsi isə 200 kvadratmetrdir. Kompleksdə, həmçinin 11 VIP kabinet və bir geniş besedka mövcuddur.

Kompleksdə əsas yola baxan geniş fasad, ayrıca təndir və peşəkar manqal bölməsi, tədbirlər və canlı musiqi proqramları üçün açıq səhnə, dekorativ fəvvarə və abadlaşdırılmış həyət yer alır. Bundan əlavə, ərazidə geniş avtomobil dayanacağı və rahat giriş-çıxış imkanları yaradılıb.

Qeyd edək ki, mülkiyyət sahibi obyektin potensial aylıq icarə gəlirinin 20–25 min manat arasında dəyişə biləcəyini qeyd edir.

Premium restoran kompleksi 6 milyon manata satışa təklif olunur.

Tənzilə Ağabalayeva