Azərbaycanda bu ilin sonunadək kriptovalyuta ilə bağlı qanun qəbul edilə bilər

Azərbaycanda bu ilin sonunadək virtual aktivlər və kripto bazarları ilə bağlı qanun qəbul oluna bilər.

Valyuta.az xəbər verir ki, bunu Azərbaycan Mərkəzi Bankının  Maliyyə texnologiyaları və innovasiyalar departamentinin direktoru Fidan Tofidi "Azərbaycanın rəqəmsal maliyyə gündəliyi" mövzusunda keçirilən marifləndirici tədbirdə deyib.

Onun sözlərinə görə, AMB virtual aktivlər və kripto bazarları ilə bağlı qanun layihəsinin son variantını hazırlayaraq dövlət orqanlarına təqdim edib: "Bu, bizim üçün kifayət qədər mühüm nailiyyətdir. Çünki həmin sahə indiyədək tənzimlənməyib və həm dünya, həm də Azərbaycan üçün nisbətən yeni bir istiqamətdir.

Ümid edirik ki, hər şey plan üzrə gedərsə, ilin sonunadək ölkəmizdə kriptovalyutalar və virtual aktivlərlə bağlı qanun layihəsi təsdiqlənəcək. Bunun üçün mərkəzi bank tərəfindən çox aktiv işlər aparılır. Bununla bərabər növbəti dövr üzrə  rəqəmsallaşma üzrə indekslərin hazırlanması da planlaşdırılır".

Tənzilə Ağabalayeva