Azərbaycanda 22 mindən çox işsiz var

2026-cı il yanvar ayının 1-i vəziyyətinə Dövlət Məşğulluq Agentliyinin yerli qurumlarında qeydiyyata alınmış işsiz şəxslərin sayı 239,8 min nəfər olub. 

Valyuta.az xəbər verir ki, qeydiyyata alınan işsiz şəxslərin sayında ötən ilin eyni dövrü ilə müqayisədə 22,6 min nəfər və ya 10,40% artım olub. 

Belə ki, 2025-ci il yanvar ayının 1-i vəziyyətinə Dövlət Məşğulluq Agentliyinin yerli qurumlarında qeydiyyata alınmış işsiz şəxslərin sayı 217,2 min nəfər təşkil edib. 

Statistikaya görə, cari ilin yanvar ayına görə, işsiz şəxslərin 51,9%-ni qadınlar təşkil edib. Ötən ilin eyni dövründə isə 47,6% olub. İşsiz qadınların sayında faiz artımı 9,03% müəyyən olunub.

İşsizlikdən sığorta ödənişinin orta aylıq məbləği isə bu ilin yanvar ayının 1-nə görə 452,8 manat olub, ötən ilin eyni dövründə isə bu rəqəm 394,9 manat təşkil edib. Bu illik müqayisədə 57,9 manat və ya 14,66% artım deməkdir.

Sərvanə Rəmixanova