“Amazon” 15 minə yaxın işçini ixtisar edir

Amerika korporasiyası "Amazon" gələn həftə işçilərin ixtisarının ikinci mərhələsini həyata keçirməyi planlaşdırır. Təxminən 14 min əməkdaş işdən çıxarılma riski altındadır.

Valyuta.az "Trend"ə istinadən xəbər verir ki, ixtisarlar "Amazon Web Services", pərakəndə satış bölməsi, "Prime Video" və insan resursları departamentini əhatə edəcək. Agentlik vurğulayır ki, bu addımlar şirkətin ümumilikdə təxminən 30 min əməkdaşın işdən azad edilməsi məqsədinə uyğun aparılır və bu, "Amazon" tarixində ən böyük ixtisar dalğası olacaq.

2022-ci ildə şirkət artıq 27 min əməkdaşını ixtisar edib.