Mikayıl Cabbarov Dünya Bankının təmsilçisi ilə nəyi müzakirə edib?

İqtisadiyyat naziri Mikayıl Cabbarov Dünya Bankının təmsilçilərini qəbul edib.

Valyuta.Az-ın verdiyi xəbərə görə, bu haqda iqtisadiyyat naziri Mikayıl Cabbarov sosial şəbəkə hesablarında paylaşım edib.

"Dünya Bankının Azərbaycan üzrə ölkə meneceri Ştefani Ştalmeyster ilə görüşdə Bank ilə ölkəmiz arasında əməkdaşlığın gücləndirilməsi, birgə layihələr, həmçinin Azərbaycan iqtisadiyyatının şaxələndirilməsi və biznes mühitinin davamlı olaraq yaxşılaşdırılması istiqamətində həyata keçirilən tədbirlər, investisiyaların təşviqi barədə müzakirələr apardıq" - nazir bildirib.