Xidmətlərdən məmnun turistlərin sayı 41 min nəfər azalıb

2026-cı ilin aprel ayında turizm məqsədilə Azərbaycana səfər etmiş əcnəbilərin və vətəndaşlığı olmayan şəxslərin göstərilən xidmətlərdən məmnunluq səviyyəsi üzrə sayı 103 324 nəfər olub.

Valyuta.az xəbər verir ki, bu göstərici 2025-ci ilin aprel ayı ilə müqayisədə 41 131 nəfər və ya 28,5% azalıb.

Göstərilən xidmətləri qənaətbəxş hesab edənlərin sayı 9 866 nəfər təşkil edib ki, bu da illik müqayisədə 8 653 nəfər və ya 46,7% azalma deməkdir.

Xidmət növləri üzrə ən böyük azalma avtobus-sərnişin daşıma xidmətlərində qeydə alınıb. Belə ki, bu xidmətlərdən məmnun qalanların sayı bir il ərzində 4 297 nəfərdən 1 779 nəfərə enərək 2 518 nəfər və ya 58,6% azalıb. Metro ilə sərnişin daşıma xidmətlərindən məmnun qalanların sayı isə 1 426 nəfərdən 617 nəfərə düşərək 809 nəfər və ya 56,7% azalıb.

Taksi xidmətlərindən məmnun qalanların sayı 2 908 nəfərdən 1 521 nəfərə enib ki, bu da 1 387 nəfər və ya 47,7% azalma deməkdir.