"Xalq Sığorta"nın gəlirləri artıb, aktivləri 2 milyon manatdan çox azalıb

"Xalq Sığorta" ASC-nin 2026-cı ilin ilk yarısında ümumi gəlirləri 18 milyon 27 min 395 manat təşkil edib. Bu göstərici ötən ilin eyni dövründə qeydə alınan 15 milyon 671 min 203 manatla müqayisədə 2 milyon 356 min 192 manat və ya 15% artım deməkdir.

Hesabat dövründə sığortaçının əsas əməliyyat gəlirləri 13 milyon 632 min 528 manat olub. Bu, ötən ilin 14 milyon 275 min 363 manatla müqayisədə 642 min 835 manat və ya 4,5% azdır.

Sığorta şirkətinin investisiya gəlirləri isə ötən ilin eyni dövründəki 1 milyon 252 min 341 manatdan 4 milyon 651 min 424 manata yüksələrək 3 milyon 399 min 83 manat və ya 271,4% artıb.

Cari ilin ilk yarısında sığortaçının ümumi xərcləri 13 milyon 266 min 355 manat təşkil edib. Bu göstərici ötən ilin eyni dövründə qeydə alınan 11 milyon 819 min 614 manatla müqayisədə 1 milyon 446 min 741 manat və ya 12,2% artıb.

Əsas əməliyyat xərcləri 7 milyon 653 min 585 manat olub. Bu, 2025-ci ilin eyni dövründəki 6 milyon 324 min 788 manatla müqayisədə 1 milyon 328 min 797 manat və ya 21% çoxdur.

İşlərin aparılması xərcləri isə ötən ilin eyni dövründəki 4 milyon 934 min 105 manatdan 5 milyon 498 min 102 manata yüksələrək 563 min 997 manat və ya 11,4% artıb.

Nəticədə sığortaçının maliyyə mənfəəti 3 milyon 851 min 589 manatdan 4 milyon 761 min 40 manata yüksələrək 909 min 451 manat və ya 23,6% artıb.

Mənfəət vergisi ödənildikdən sonra xalis mənfəət isə ötən ilin eyni dövründəki 3 milyon 851 min 589 manatdan 4 milyon 336 min 321 manata çatıb. Bu, illik müqayisədə 484 min 732 manat və ya 12,6% artım deməkdir.

Hesabat dövrünün sonuna sığortaçının cəmi aktivləri 92 milyon 198 min 185 manat təşkil edib. Bu göstərici ötən ilin eyni dövründə qeydə alınan 94 milyon 366 min 178 manatla müqayisədə 2 milyon 167 min 994 manat və ya 2,3% azalıb.

2026-cı il iyunun 30-na sığortaçının cəmi öhdəlikləri 31 milyon 819 min 656 manat təşkil edib. Bu göstərici ötən ilin eyni dövründə qeydə alınan 31 milyon 265 min 382 manatla müqayisədə 554 min 274 manat və ya 1,8% artıb.

Sərvanə Rəmixanova