"Xalq Həyat"ın sığorta ödənişlərində 1 milyondan çox azalma

“Xalq Həyat” Sığorta Şirkəti ASC-nin 2025-ci ilin yanvar-dekabr ayları üzrə yığım və ödəniş göstəriciləri açıqlanıb.

Valyuta.az xəbər verir ki, sığorta şirkəti hesabat dövründə 11 milyon 963 min manat məbləğində sığorta haqqı toplayıb. Bu göstərici 2024-cü ilin eyni dövrü ilə müqayisədə 597 min manat və ya 5,25% çoxdur.

Ötən ilin yanvar-dekabr aylarında şirkətin sığorta yığımları 11 milyon 366 min manat təşkil edib.

Sığorta ödənişlərinə gəldikdə isə, 2025-ci ilin yanvar-dekabr aylarında “Xalq Həyat” Sığorta Şirkəti ASC tərəfindən 4 milyon 877 min manat məbləğində sığorta ödənişi həyata keçirilib.

Bu, 2024-cü ilin eyni dövrü ilə müqayisədə 1 milyon 60 min manat və ya 17,85% azdır. Belə ki, ötən ilin müvafiq dövründə sığorta ödənişlərinin həcmi 5 milyon 937 min manat olub.

Hesablamalara əsasən, 2025-ci ildə sığorta şirkəti topladığı hər 100 manat sığorta haqqının 40,76 manatını ödənişlərə yönəldib. 2024-cü ilin eyni dövründə isə bu göstərici 52,23 manat səviyyəsində olub.

Sərvanə Rəmixanova