AMB: BOKT-lar son 3 ildə 86 milyon manatlıq istiqraz buraxıb

Son 3 ildə Azərbaycandakı bank olmayan kredit təşkilatları (BOKT) 86 milyon manat məbləğində istiqraz buraxıb.

Valyuta.az "Report"a istinadən xəbər verir ki, bunu Azərbaycan Mərkəzi Bankının (AMB) baş direktoru Fuad İsayev Bakıda keçirilən I İnvestor-Mikromaliyyə Forumunda bildirib.

Onun sözlərinə görə, 2025-ci ildə buraxılmış istiqrazların ümumi dəyəri 2023-cü illə müqayisədə 4 dəfəyə yaxın artıb.

Bundan başqa, F.İsayev xatırladıb ki, ötən ilin noyabr ayında AMB-nin İdarə Heyəti BOKT-larda kənar auditin aparılması tələblərini təsdiq edib və bu tələblər 22 noyabrdan qüvvəyə minib: "​İnanıram ki, bu, maliyyə sektorunun tarixində mühüm mərhələ kimi qiymətləndiriləcək".