"Google" "Gemini" ilə ani selləri proqnozlaşdırmaq üçün 5 milyon xəbər məqaləsini analiz edib

"Google" ani sellərin daha dəqiq proqnozlaşdırılması üçün "Gemini" süni intellekt modelindən istifadə edərək 5 milyon xəbər məqaləsini analiz edib.

Araşdırma nəticəsində 2,6 milyon sel hadisəsi haqqında məlumat müəyyənləşdirilərək “Groundsource” adlı coğrafi məlumat bazasına çevrilib. Bu məlumatlar əsasında LSTM neyron şəbəkəsi ilə model hazırlanıb və müəyyən bölgələrdə ani sel ehtimalı hesablanıb.

"Google"un hazırladığı sistem hazırda "Flood Hub" platformasında təqdim olunur və 150 ölkədə şəhər əraziləri üçün sel risklərini göstərir. Model xüsusilə meteoroloji məlumatların məhdud olduğu bölgələrdə fövqəladə hallara daha tez reaksiya verilməsinə kömək edə bilər.

Sərvanə Rəmixanova