"Jo Malone" brendinin sahibi Co Maloneyə qarşı iddia qaldırdı

"Jo Malone London" ətir brendinə sahib olan Amerika şirkəti "Estee Lauder" brendin təsisçisi Co Maloneya qarşı London Ali Məhkəməsində iddia qaldırıb. 

Valyuta.az bu barədə "Financial Times" (FT) qəzetinə istinadən xəbər verir.

"Estee Lauder" xanım Maloneni İspaniyanın "Zara" pərakəndə satış şirkəti ilə əməkdaşlıq çərçivəsində yaratdığı ətirlərin etiketlərində öz adını istifadə etməkdə ittiham edir. "Estee Lauder" FT-yə verdiyi şərhdə iddianı təsdiqləyib.

Co Malone 1990-cı ildə "Jo Malone London" ətir brendini yaradıb. 1999-cu ildə brendi və Malone adının qismən hüquqlarını "Estee Lauder" alıb. Bu müqaviləyə əsasən Co Maloneyyə ətir sahəsində öz adından marketinq məqsədilə istifadə etməsi qadağan olunub. Sonrakı illərdə Malone satış barədə peşmanlığını ifadə edib və bunu “həyatının ən böyük səhvi” adlandırıb.

2006-cı ildə Co Malone "Jo Malone" brendinin kreativ direktoru vəzifəsini tərk edib. "Estee Lauder" ilə müqaviləyə görə, Malone beş il müddətində ətir sahəsində işləyə bilməzdi. 2011-ci ildə o, "Jo Loves" brendini yaradıb və 2019-cu ildə "Zara" ilə əməkdaşlıq çərçivəsində yeni ətir kolleksiyasını təqdim edib. Keçən il buraxılan ətirlərdə etiketdə “Jo Malone, "Jo Loves"un yaradıcısı” ifadəsi göstərilib.

"Estee Lauder" bildirir ki, Malonenin adı ilə yeni kommersiya layihələrində iştirak etməsi hüquqi müqavilənin sərhədlərini aşır və "Jo Malone London" brendinin unikal imicinə zərər verir.

Paşa Məmmədli