Lüks brendlər 100 milyonluq məhsullarını məhv edirlər - Səbəb

"Louis Vuitton", "Chanel" və ya "Apple" satılmayan məhsullarını endirimlə satmaq yerinə yandırır və ya parçalayır. İlk baxışdan bu, “israfçılıq” kimi görünsə də, arxasında soyuq bir biznes strategiyası dayanır.

Niyə bunu edirlər?

Birinci səbəb brendin dəyərini qorumaqdır. Lüks brendlər “əlçatmazlıq” üzərində qurulub. Əgər bir çanta 90% endirimlə hər kəs tərəfindən alına bilsə, o brend artıq “eksklüziv” sayılmır.

İkinci səbəb “yalnız varlıların” simvolu olmaq. Brendlər istəmir ki, onların lüks məhsulları ucuz bazarlarda və ya “outlet” mağazalarında görünsün.

Digər səbəb isə vergi güzəştləridir. Bəzi ölkələrdə məhsulu məhv etmək, onu anbarda saxlamaqdan və ya ucuz satmaqdan daha sərfəli vergi güzəştləri yaradır.

"Burberry" – cəmi bir il ərzində 37 milyon dollar dəyərində məhsulu məhv edir.

"Cartier" – 25 milyon dollar dəyərində zərgərlik məmulatını əridərək yenidən xalis qızıla çevirir.

"Nike" – ehtiyacı olan insanlara verillə biləcək 5 milyon cüt ayaqqabını kəsərək istifadəyə yararsız hala salır.

"Chanel" – kiməsə satmaq əvəzinə 200 milyon dollar dəyərində məhsulu məhv edir.

"Louis Vuitton" – brend dəyərini qorumaq üçün hər il 100 milyon dollar dəyərində çantanı yandırır.

Şəbnəm İbrahimxəlilova