Son 5 ildə Azərbaycanda nə qədər qızıl istehsal olunub?

Azərbaycanın istehsal etdiyi təbii sərvətlərdən biri də qızıldır. Hər il ölkədə minlərlə kiloqram qızıl hasil olunur.

Valyuta.az son 5 ildə Azərbaycanda istehsal olunan qızılın miqdarını təqdim edir;

Cari ilin ilk 9 ayında Azərbaycanda 2349 kiloqram qızıl istehsal olunub. 2024-cü ilin eyni dövründə isə bu göstərici 1752,1 kiloqram təşkil edib. Müqayisədə 596,9 kiloqram və ya 34,06 faiz artım qeydə alınıb.

2023-cü ilin yanvar-sentyabr aylarında ölkədə 1731,9 kiloqram qızıl hasil edilib. Bu da 2024-cü ilin eyni dövrü ilə müqayisədə 20,2 kiloqram və ya 1,17 faiz artım deməkdir.

2022-ci ildə ölkədə 2248,6 kiloqram qızıl istehsal olunub. Bu isə əvvəlki illə müqayisədə 516,7 kiloqram və ya 22,97 faiz azalma deməkdir.

2021-ci ildə hasilat 2608,1 kiloqram səviyyəsində olub. Müqayisədə 359,5 kiloqram və ya 13,78 faiz azalma qeydə alınıb.

2020-ci ildə isə ölkədə 2679,1 kiloqram qızıl istehsal edilib. Yəni 2021-ci ildə bu göstərici ilə müqayisədə 71 kiloqram və ya 2,65 faiz azalma baş verib.

Beləliklə, son 5 ildə Azərbaycanda qızıl hasilatında dalğalanma müşahidə olunur: 2022 və 2023-cü illərdə azalma meyli olsa da, 2024 və 2025-ci illərdə artım yenidən bərpa olunub.

Sərvanə Rəmixanova