Xaricə səfər edənlərin sığortası üzrə yığımlar 80%-ə yaxın artıb

2026-cı ilin yanvar ayında xaricə səfər edən vətəndaşların sığortası üzrə yığımlarda artım qeydə alınıb.

Valyuta.az xəbər verir ki, hesabat dövründə bu sığorta növü üzrə toplanan sığorta haqları 624 min manat təşkil edib. Bu göstərici ötən ilin eyni dövrü ilə müqayisədə 277 min manat və ya 79,82% çoxdur.

Qeyd edək ki, 2025-ci ilin yanvar ayında bu sahə üzrə yığımlar 347 min manat olub.

Eyni zamanda, sığorta ödənişlərində azalma müşahidə olunub. Belə ki, cari ilin yanvar ayında ödənişlərin həcmi 34 min manat təşkil edib.

Bu isə ötən ilin eyni dövrü ilə müqayisədə 16 min manat və ya 32% azdır. 2025-ci ilin yanvar ayında isə bu göstərici 50 min manat olub.

Sərvanə Rəmixanova