11 tibb mərkəzi üçün 21 milyonluq laboratoriya testləri alınacaq

“İnnovasiya və Təchizat Mərkəzi” publik hüquqi şəxsi iki satınalma üzrə tender elan edib.

Valyuta.az xəbər verir ki, elan edilən tenderlərdən biri “Klinik biokimya, hormon, seroloji, immunoloji və digər adda müayinələrin istifadəsi üçün nəzərdə tutulmuş laboratoriya testləri”nin satın alınması ilə bağlıdır.

Satınalma 11 tibb mərkəzi üzrə nəzərdə tutulub. Bu tender üzrə ehtimal olunan qiymət 21 milyon 284 min 171,70 manat təşkil edir. Təkliflərin təqdim olunması üçün son tarix 28 aprel 2026-cı il müəyyən edilib.

Digər tender isə “İnformasiya təhlükəsizliyi üzrə proqram təminatı lisenziyalarının uzadılması”nın satın alınması ilə bağlıdır. Bu tender üzrə ehtimal olunan qiymət 248 min 62,34 manat təşkil edir. Təkliflərin təqdim olunması üçün son tarix isə 7 aprel 2026-cı il müəyyən edilib.

Sərvanə Rəmixanova