ABŞ-İran müharibəsi fonunda artım sürətlənir: “Bitcoin” təxminən 8% bahalaşdı

“Bitcoin” çərşənbə günü təxminən 8% artaraq 73 684 dollar səviyyəsinə yüksəlib. Bu artım ABŞ və İsrailin İrana qarşı hərbi əməliyyatlara başlamasından sonra qeydə alınan beş günlük yüksəliş trendinin davamı kimi qiymətləndirilir.

Valyuta.az xəbər verir ki, kriptovalyuta fevralın 28-də Yaxın Şərqdə gərginlik başlayanda 63 min dollar civarına qədər geriləmişdi, lakin son günlərdə yenidən bahalaşaraq ümumilikdə 11%-dən çox artım göstərib.

Analitiklər bildirirlər ki, investorların bazara qayıtması və “Crypto Fear and Greed Index” göstəricisinin yaxşılaşması qiymət artımına təsir edən əsas amillərdən biridir.

Çərşənbə günü digər kriptovalyutalar da yüksəlib: “Ethereum” 8,3%, “Solana” 7,4%, “BNB” isə 3,7% artım qeydə alıb.

Tənzilə Ağabalayeva