“Azərişıq”dan 6 milyon manatlıq SİFARİŞ

“Azərişıq” ASC Xaçmaz və Beyləqan rayonlarında elektrik paylayıcı şəbəkəsinin yenidən qurulması ilə bağlı tender elan edib.

Valyuta.az xəbər verir ki, tender çərçivəsində Xaçmaz rayonunun Nərəcan və Çaykənarı, eləcə də Beyləqan rayonunun Bünyadlı və Gödəklər yaşayış məntəqələrinin ərazisində komplekt transformator məntəqələrinin (KTM), 10 və 0,4 kV-luq paylayıcı elektrik şəbəkəsinin tikintisi və quraşdırılması işlərinin satın alınması nəzərdə tutulur.

Layihə üzrə ehtimal olunan qiymət 6 218 045,34 manat təşkil edir.

Tender üzrə təkliflərin son təqdim olunma tarixi 15 apreldir.