İranda kriptovalyuta bazarında vəsait çıxarışı 700% artıb

İranda kriptovalyuta bazarı son illərdə sürətlə böyüyərək təxminən 10 milyard dollarlıq daxili iqtisadi sistemə çevrilib. Ölkədə yüksək inflyasiya və beynəlxalq sanksiyalar səbəbindən milyonlarla insan kriptovalyutadan vəsaitlərini qorumaq və pul köçürmək üçün istifadə edir.

Valyuta.az xəbər verir ki, ölkədə təxminən 12 milyon nəfər kripto istifadəçisinin olduğu bildirilir. Bazar əsasən USDT və yerli kriptobirjalar vasitəsilə fəaliyyət göstərir.

Lakin ABŞ və İsrailin son hərbi zərbələrindən sonra bazarda panika yaranıb. Məlumata görə, İranın ən böyük kriptobirjası Nobitex-dən vəsait çıxarışı qısa müddətdə 700% artıb.

Ekspertlər bildirir ki, istifadəçilər vəsaitlərini birjalardan çıxararaq şəxsi kripto cüzdanlarına və ya xarici platformalara köçürürlər. Bunun əsas səbəbi isə mümkün internet məhdudiyyətləri və hökumət qərarları ilə bağlı risklərdir.

Sərvanə Rəmixanova