Mobil oyun studiyası "Cheer Games" 4,5 milyon dollar investisiya cəlb edib

Mobil oyun studiyası Cheer Games 4,5 milyon dollar investisiya alıb

Mobil oyun studiyası Cheer Games 4,5 milyon dollar həcmində investisiya cəlb edib. Valyuta.az xəbər verir ki, investisiya turuna Makers Fund liderlik edib, turda həmçinin Play Ventures və bir sıra mələk investorlar iştirak ediblər.

İspaniya mərkəzli şirkət bildirir ki, əldə olunan vəsait mobil bulmaca oyunlarının hazırlanmasını sürətləndirmək və Barselonadakı ofisini genişləndirmək üçün istifadə olunacaq.

Cheer Games ötən ilin avqustunda Emre Gercel, Berkay Öztürk, Ertan Ünver və Kutay Koraltürk tərəfindən yaradılıb və əsasən smartfonlar üçün sadə və uzun müddət oynanıla bilən bulmaca oyunları hazırlayır.

Qeyd edək ki, studiyanın əsas fəaliyyəti smartfonlar üçün asan oynanan tapmaca oyunlarının hazırlanmasıdır. Şirkət qısa müddətdə populyarlaşan oyunlar yaratmaqdan daha çox, uzun müddət oynanıla bilən və davamlı oyun seriyaları hazırlamağı hədəfləyir.

Sərvanə Rəmixanova