Şirkətlər "Expressbank"dan 8 milyondan çox depoziti geri çəkib

"Expressbank" 2025-ci ilin yanvar-dekabr aylarını 7 milyon 305 min manat  xalis mənfəətlə başa vurub. 

Valyuta.az bankın maliyyə hesabatına istinadən xəbər verir ki, bu, ötən ilin eyni dövrü ilə müqayisədə 3 milyon 932 min manat və ya 35,0% azdır. 

"Expressbank" 2024-cü ilin yanvar-dekabr aylarında 11 milyon 237 min manat xalis mənfəət əldə edib.

Hesabat dövründə hüquqi şəxslərin depozitləri 8 milyon 91 min manat və ya 13,5% azalaraq 51 milyon 681 min manat olub.

2024-cü ilin eyni dövründə bankda hüquqi şəxslərin depozitləri 59 milyon 772 min manat təşkil edib.

Banklar və digər maliyyə institutlarındakı depozitlər də azalaraq 2024-cü ildəki 24 milyon 983 min manatdan 6 milyon 059 min manata enib. Azalma 18 milyon 924 min manat və ya 75,7% olub.

Mayya Hüseynova