Sement ixracından gələn gəlirlərdə milyonluq azalma olub

Cari ilin ilk 2 ayında Azərbaycan 104 min 920,06 ton sement (hazır və ya klinker formasında) ixrac edib.

Ötən ilin eyni dövründə bu rəqəm 142 min 156,76 ton olub.

Bu da illik müqayisədə 37 min 236,70 ton və ya 26,19% azalma deməkdir.

Gəlir isə bu ilin ilk 2 ayında 6 milyon 61,39 min ABŞ dolları olub. Bu da illik müqayisədə 2 milyon 997,58 min ABŞ dolları və ya 33,09% azalma deməkdir.

Ötən ilin eyni dövründə bu göstərici 9 milyon 58,97 min ABŞ dolları təşkil edib.

Sərvanə Rəmixanova