“Deccan AI” 25 milyon dollar investisiya alıb

Yapay zəka modellərinin hazırlanması və real mühitdə tətbiqinə yönələn “Deccan AI” 25 milyon dollar məbləğində investisiya cəlb edib.

Valyuta.az xəbər verir ki, əldə olunan vəsait məlumat istehsalı şəbəkəsinin genişləndirilməsi, model qiymətləndirmə və möhkəmləndirici öyrənmə platformalarının inkişafı, həmçinin korporativ müştəri bazasının böyüdülməsi üçün istifadə olunacaq.

“Deccan AI” 2024-cü ildə Rukeş Reddi (Rukesh Reddy) tərəfindən təsis edilib. Şirkət süni intellekt modellərinin hazırlanmasından sonra ən kritik mərhələlərdən biri hesab edilən post-təlim proseslərinə fokuslanır.

“Deccan AI” böyük dil modelləri və oxşar süni intellekt sistemlərinin daha dəqiq, etibarlı və real şəraitdə tətbiq oluna bilən hala gətirilməsi üçün məlumat istehsalı, model qiymətləndirilməsi və möhkəmləndirici öyrənmə kimi xidmətlər təqdim edir. Bu çərçivədə müxtəlif sahələr üzrə mütəxəssislərdən ibarət geniş şəbəkə vasitəsilə yüksək keyfiyyətli məlumatlar hazırlanır, modellərin performansı test edilir və çatışmazlıqlar təhlil olunur.

Şirkət eyni zamanda modellərin müxtəlif proqram və tətbiqlərlə qarşılıqlı əlaqə qurmasını, kod yazmasını və müstəqil qərarlar verə bilən agent davranışları nümayiş etdirməsini dəstəkləyən həllər üzərində çalışır.

Mayya Hüseynova