Rusiyada əmək miqrantlarına iş yerlərini dəyişdirmək qadağan ediləcək

Rusiyada patenti olan əmək miqrantlarına birinci il ərzində iş yerlərini dəyişdirmək və ya başqa bir işlə birləşdirmək qadağan ediləcək.

Valyuta.az APA-nın Moskva bürosuna istinadən xəbər verir ki, bu barədə qanun layihəsi Dövlət Dumasına təqdim edilib.

Liberal Demokrat Partiyası fraksiyası tərəfindən hazırlanan qanun layihəsinə görə, əgər əcnəbi 12 ayın sonuna qədər üzrlü səbəb olmadan (şirkətin ləğvi və ya əmək haqqının ödənilməməsi) müqaviləsini ləğv edərsə, patenti ləğv ediləcək və ondan ölkəni tərk etmələri tələb olunacaq.

Əgər işdən çıxarma üçün əsaslı səbəblər varsa, miqrantlara başqa bir iş tapmaq üçün bir ay vaxt veriləcək.

Qanun müəlliflərinin fikrincə, bu təşəbbüs Rusiyaya miqrant axınını azaldacaq, miqrantlar və işəgötürənlər üçün məsuliyyəti artıracaq və nəzarəti yaxşılaşdıracaq.