Pul idarəetməsində gənclərin etdiyi 6 əsas səhvi - SƏHƏR OXUSU

Maliyyə həyatına yeni başlayan gənclər tez-tez gələcəkdə ciddi nəticələr yarada biləcək səhvlərə yol verirlər. Lakin düzgün planlama və maliyyə savadlılığı bu səhvlərin qarşısını almağa imkan verir.

Valyuta.az gənclər arasında ən çox rast gəlinən 10 maliyyə səhvi və onların həlli yolları təqdim edir:

Büdcə tərtib etməmək

Xərcləri planlaşdırmamaq və pulun hara xərcləndiyini izləməmək artıq xərclərə səbəb olur. Aylıq xərcləri qeydə alın, real büdcə qurun və qənaət üçün ayrıca maddə ayırın.

İmkanlardan artıq yaşamaq

Kredit kartları ilə həyat tərzini maliyyələşdirmək və borclanmaq. Ehtiyacları prioritetləşdirin, impulsiv alışlardan qaçın və borcu ay sonunda tam bağlaya bilmirsinizsə, kreditdən istifadə etməyin.

Ehtiyat fondunun olmaması

Gözlənilməz xərclər üçün yığımın olmaması. bir digər səbəbdir. Ən azı 3-6 aylıq yaşayış xərclərinə bərabər ehtiyat vəsaiti formalaşdırın.

İmpulsiv xərclər

Planlaşdırılmamış alışlar maliyyə məqsədlərini pozur. Vacib olmayan alışlar üçün 24 saat gözləmə qaydası tətbiq edin.

Maliyyə savadlılığını artırmamaq

Şəxsi maliyyə ilə bağlı biliklərin olmaması pul idarəetməsini çətinləşdirir. Kitablar oxuyun, kurslara qatılın, iqtisadi prosesləri izləyin.

Maliyyə hədəflərinin olmaması

Konkret məqsədlər müəyyənləşdirməmək motivasiyanın azalmasına səbəb olur. Borcun bağlanması, avtomobil və ya səyahət üçün yığım kimi konkret və ölçülə bilən hədəflər qoyun.

Sərvanə Rəmixanova