Ölkəyə kiloqramı 3 manatdan palma yağı gətirilib

2025-ci ilin yanvar-noyabr aylarında Azərbaycana 41 026,5 ton xam palma yağı və onun fraksiyaları idxal edilib.

Valyuta.az xəbər verir ki, idxalın ümumi dəyəri 56 220,25 min ABŞ dolları təşkil edib ki, bu da 95 574,4 min manata bərabərdir.

Hesablamalara əsasən, idxal olunan palma yağının 1 kiloqramının orta qiyməti 1,37 ABŞ dolları və ya 2,33 manat olub.

Belə ki, idxalın əsas hissəsi İndoneziyanın payına düşüb. Bu ölkədən 35 768,77 ton palma yağı gətirilib və bunun dəyəri 48 560,05 min ABŞ dolları olub.

Beləliklə, İndoneziyadan idxal olunan məhsulun 1 kiloqramının qiyməti 1,36 dollar və ya 2,31 manat təşkil edib.

Digər əsas tədarükçü Malayziya olub. Bu ölkədən 5 257,73 ton palma yağı idxal edilib, dəyəri 7 660,2 min ABŞ dolları olub. Malayziya üzrə 1 kiloqramın qiyməti isə 1,46 dollar və ya 2,48 manat olub.

Sərvanə Rəmixanova