Özəl banklara kredit qoyuluşu 1 milyard manatdan çox artıb

2025-ci ilin yanvar-noyabr aylarında Azərbaycan iqtisadiyyatında özəl banklara cəmi kredit qoyuluşunun həcmi 22 milyard 50,3 milyon manat təşkil edib.

Valyuta.az xəbər verir ki, bu göstərici 2024-cü ilin eyni dövrü ilə müqayisədə 8,64% və ya 1 milyard 754,1 milyon manat çoxdur. 2024-cü ilin müvafiq dövründə özəl banklara kredit qoyuluşunun həcmi 20 milyard 296,2 milyon manat olub.

Qeyd edək ki, 2025-ci ilin yanvar-noyabr aylarında Azərbaycan iqtisadiyyatına ümumilikdə kredit qoyuluşunun həcmi 31 milyard 451,1 milyon manat təşkil edib.

Bu da ötən ilin eyni dövrü ilə müqayisədə 2 milyard 384,3 milyon manat və ya 8,2% artım deməkdir.

Tənzilə Ağabalayeva