Ötən ay ölkəyə 51 minlik geyim əşyaları gətirilib

Ölkəyə ötən ay 51 min 209 manatlıq geyim əşyaları və geyim üçün ləvazimatlar idxal edilib.

Lakin xarici ölkələrdən Azərbaycana idxal olunan geyim əşyaları və geyim üçün ləvazimatların idxal dəyərində son bir ildə azalma müşahidə edilib.

Valyuta.az xəbər verir ki, cari ilin yanvar ayında ölkəyə 30 milyon 123 min ABŞ dolları dəyərində sözügedən mallar idxal olunub.

Ötən ilin eyni dövrünə nəzər salsaq, bu göstərici 34 milyon 172 min ABŞ dolları təşkil edib.

Nəticədə geyim əşyaları və geyim üçün ləvazimatların idxal dəyəri 4 milyon 49 min ABŞ dolları və ya 11,85% azalıb.

Ümumi idxalda bu məhsulların payı isə 2,31% olub. Ötən ilin eyni dövründə bu göstərici 1,67% idi. Beləliklə, ümumi idxaldakı pay artmasına baxmayaraq, idxalın dəyərində azalma qeydə alınıb.

Sərvanə Rəmixanova