“Meta” yeni geyilə bilən süni intellekt cihazları hazırlayır

“Meta” süni intellekt əsaslı yeni geyilə bilən cihazlar üzərində işləyir.

Valyuta.az xəbər verir ki, şirkətin hazırladığı məhsullar arasında süni intellekt boyunbağı və daha inkişaf etmiş ağıllı eynəklər yer alır.

Bildirilir ki, süni intellekt boyunbağısı istifadəçinin səsli əmrlərini qəbul edəcək, xatırlatmalar yaradacaq və fərdi köməkçi funksiyalarını yerinə yetirəcək.

Bundan başqa, “Meta”nın yeni nəsil ağıllı eynəklərinin istifadəçinin ətrafını daha yaxşı analiz etməsi, baxdığı obyektləri tanıması və kontekstual məlumat təqdim etməsi nəzərdə tutulur.

Şirkət hələlik məhsullarla bağlı rəsmi açıqlama verməyib.

Sərvanə Rəmixanova