Könüllü sığorta üzrə yığımlar 121 milyondan çox artıb

2025-ci ilin yanvar-noyabr aylarında könüllü sığorta növü üzrə 1 milyard 34 milyon 15 min manat sığorta haqqı toplanıb.

Valyuta.az xəbər verir ki, bu göstərici 2024-cü ilin eyni dövrü ilə müqayisədə 121 milyon 457 min manat və ya 13,30 faiz çoxdur. 2024-cü ilin yanvar-noyabr aylarında bu növ üzrə sığorta haqları 912 milyon 558 min manat təşkil etmişdi.

Hesabat dövründə könüllü sığorta üzrə ödənişlərin məbləği 713 milyon 141 min manat olub. Bu, əvvəlki ilin müvafiq dövrü ilə müqayisədə 145 milyon 49 min manat və ya 25,53 faiz artım deməkdir.

2024-cü ilin eyni dövründə bu göstərici 568 milyon 92 min manat təşkil edib.

Tənzilə Ağabalayeva