Kartof ixracından əldə olunan gəlir 8 milyon dollar azalıb

2026-cı ilin yanvar-may aylarında Azərbaycan 38 min 418,58 ton həcmində, 14 milyon 603,67 min ABŞ dolları dəyərində kartof ixrac edib.

Valyuta.az-ın hesablamalarına görə, bu göstərici ötən ilin eyni dövrü ilə müqayisədə həcm baxımından 18 min 361,98 ton və ya 32,3%, dəyər baxımından isə 7 milyon 907,70 min ABŞ dolları və ya 35,1% azalıb.

Belə ki, 2025-ci ilin yanvar-may aylarında Azərbaycan 56 min 780,56 ton həcmində, 22 milyon 511,37 min ABŞ dolları dəyərində kartof ixrac etmişdi.

Tənzilə Ağabalayeva