Kakao ixracından gəlirimiz 3 milyon dollardan çox artıb

Keçən il Azərbaycan xaricə 14 milyon 666,17 min ABŞ dolları dəyərində kakao və ondan hazırlanan məhsullar ixrac edib.

Valyuta.az xəbər verir ki, 2024-cü ildə bu göstərici 11 milyon 509,17 min dollar olub. Beləliklə, ixracdan əldə olunan gəlirlər 3 milyon 157 min dollar və ya 27,4% artıb.

Kakao və ondan hazırlanan məhsullar üzrə idxal xərcləri də artım göstərib. Keçən ilin yanvar-dekabr aylarında bu məhsulların idxalı üçün 155 milyon 266,04 min dollar xərclənib ki, bu da 2024-cü ilin müvafiq dövrü ilə müqayisədə 19 milyon 845,58 min dollar və ya 14,7% çoxdur.

Qeyd edək ki, 2024-cü ildə isə idxal xərcləri 135 milyon 420,46 min dollar təşkil edib.

Şəbnəm İbrahimxəlilova