"Tesla" İlon Maskın "xAI" şirkətinə 2 milyard dollar yatırım etdi

"Tesla" səhmdarlarına göndərdiyi məktubda İlon Maskın süni intellekt şirkəti xAI-a 2 milyard dollar investisiya yatırdığını açıqlayıb.

Valyuta.az xəbər verir ki, bununla da "Tesla" "xAI"ın 20 milyard dollarlıq E seriyası investisiya turuna qoşulub.

Qeyd edək ki, "Tesla" ilə "xAI" arasında əməkdaşlıq artıq mövcuddur. "Tesla" "xAI" data mərkəzlərini Megapack batareyaları ilə təmin edir, "Grok" isə bəzi "Tesla" avtomobillərinə inteqrasiya olunub. "Bloomberg"in məlumatına görə, xAI gələcəkdə "Optimus" humanoid robotları üçün də süni intellekt həlləri hazırlamağı planlaşdırır.

Bu arada "Tesla"nın xalis mənfəəti ötən il 46% azalsa da, şirkət iri miqyaslı sərmayələrini davam etdirir. 2026-cı ildə 20 milyard dollardan çox kapital xərci planlaşdırılır. Xəbərin ardından "Tesla" səhmləri birja sonrası ticarətdə təxminən 1,8% bahalaşıb.

Sərvanə Rəmixanova