Xaricdən düyünün kiloqramını 1,55 manata almışıq

2025-ci il ərzində Azərbaycana 50 milyon 125,20 min dollar həcmində 54 min 964,07 ton düyü idxal edilib.

Valyuta.az xəbər verir ki, düyü idxalı ötən illə müqayisədə dəyər ifadəsilə 15 milyon 991,48 min dollar və ya 24,18%, miqdar ifadəsilə isə 9 min 342,34 ton, başqa sözlə 14,52% azalıb.

Qeyd edək ki, 2024-cü il ərzində Azərbaycana 66 milyon 116,68 min dollar dəyərində 64 min 306,41 ton düyü idxal olunmuşdu.

2025-ci ilin yanvar-dekabr aylarının nəticələrinə görə idxal edilən düyünün 1 kiloqramının orta idxal qiyməti 0,91 dollar (1,55 manat) təşkil edib. 2024-cü ildə isə bu rəqəm 1,028 dollar (1,75 manat) idi.

Bu da illik müqayisədə 0,12 dollar (0,20 manat) və ya 11,6% ucuzlaşma deməkdir.

Tənzilə Ağabalayeva