Azərbaycanda qeydiyyatda olan işsizlərin sayı açıqlandı

Cari ilin mart ayının 1-nə görə, Dövlət Məşğulluq Agentliyinin yerli qurumlarında qeydiyyata alınmış işsiz şəxslərin sayı 250,3 min nəfər təşkil edib.

Valyuta.az xəbər verir ki, qeydiyyata alınmış işsiz şəxslərin sayında illik müqayisədə 20 min manat və ya 8,68% artım olub.

Belə ki, ötən ilin eyni dövründə Dövlət Məşğulluq Agentliyinin yerli qurumlarında qeydiyyata alınmış işsiz şəxslərin sayı 230,3 min nəfər hesablanıb.

Qeyd olunur ki, cari ilin mart ayının 1-nə görə, rəsmi qeydiyyatda olan işsizlərin 51,7%-ni qadınlar təşkil edib. 

Ötən ilin eyni dövründə bu göstərici 47,9% olub ki, bu da illik müqayisədə 4% artım deməkdir. 

İşsizlikdən sığorta ödənişinin orta aylıq məbləği isə 460,9 manat olub. Ötən ilin eyni dövründə bu məbləğin 438,6 manat olduğunu nəzərə alsaq, bu, illik müqayisədə 22,3 manat və ya 5,08% artım deməkdir. 

Sərvanə Rəmixanova