Ferrari "Amalfi Spider" modelini təqdim edib

“Ferrari” yeni “Amalfi Spider” modelini təqdim edib.

Valyuta.az xəbər verir ki, açıq tavanlı qrand turer 3,9 litrlik ikiqat turbo V8 mühərriklə təchiz olunub və 640 at gücü hasil edir.

Avtomobil 0-dan 100 km/saat sürətə 3,3 saniyəyə çatır, maksimal sürəti isə 320 km/saatdır. Yeni turbo idarəetmə sistemi sayəsində turbo gecikməsi demək olar ki, aradan qaldırılıb.

Model “La Nuova Dolce Vita” dizayn konsepsiyasını davam etdirir və 13,5 saniyəyə açılıb-bağlanan yumşaq tavana malikdir. Aerodinamik sistemə üç rejimli aktiv arxa qanad daxildir.

Qiymət rəsmi açıqlanmayıb, lakin ilkin olaraq təxminən 300 min dollar olacağı gözlənilir.

Tənzilə Ağabalayeva