İSB: "5,9 milyon manatlıq portfel gəliri faktiki olaraq 6,5 milyon manat səviyyəsində reallaşıb".

İcbari Sığorta Bürosunun dayanıqlı maliyyə və zəmanət fondu üzrə investisiya portfeli üzrə əldə olunan gəlirlilik göstəriciləri əvvəlcədən müəyyən edilmiş proqnozları üstələyib.

Valyuta.az xəbər verir ki, bu sözləri İSB-nin Biznesin İnkişafı Departamentinin rəhbəri Xanım Camalova "İcbari Sığorta Bürosu" Hüquqi Şəxslərin İttifaqının 2025-ci ildə icra olunmuş strateji layihələr üzrə hesabatında çıxışı zamanı bildirib.

Onun sözlərinə görə, dayanıqlı maliyyə və zəmanət fondu çərçivəsində kompensasiya ödənişlərinin daha səmərəli təşkili və gücləndirilməsi məqsədilə Azərbaycan Mərkəzi Bankı tərəfindən müvafiq qaydalar təsdiqlənib: "Bunun nəticəsi olaraq  hədəf olaraq müəyyən edilmiş 5,9 milyon manatlıq portfel gəliri faktiki olaraq 6,5 milyon manat səviyyəsində reallaşıb".

O, bildirib ki, maliyyə idarəçiliyi və investisiya siyasətinin təkmilləşdirilməsi istiqamətində mühüm addımlar da atılıb.

"Bu çərçivədə müasir ERP sistemi qurularaq əlavə funksional modullar istifadəyə verilib, layihə əsaslı idarəetmə mexanizmi tətbiq olunub və korporativ idarəetməyə keçid prosesi sürətləndirilib", - deyə əlavə edib.

Sərvanə Rəmixanova