İnsansı robotların istehsalı artacaq - 1 milyarda yaxın investisya yatırıldı

İnsansı robot startapı "Apptronik" seriya A investisiya turunu genişləndirərək ümumilikdə 935 milyon dollardan çox maliyyə toplayıb.

Valyuta.az xəbər verir ki, bununla şirkətin dəyəri təxminən 5,3 milyard dollar səviyyəsində qiymətləndirilib.

Bildirilir ki, son mərhələdə cəlb edilən 520 milyon dollar investisiya ilə tur böyüyüb. Maliyyələşmədə "Google", "Mercedes-Benz" və B Capital ilə yanaşı "AT&T Ventures", "John Deere" və "Qatar Investment Authority" kimi investorlar da iştirak edib.

Yeni vəsait əsasən “Apollo” insansı robotunun istehsalını artırmaq, kommersiya tətbiqlərini genişləndirmək və robotların təlim infrastrukturu qurmaq üçün istifadə olunacaq. Şirkət 2026-cı ildə yeni nəsil robot platformasını təqdim etməyi planlaşdırır.

Qeyd edək ki, "Apptronik Google DeepMind" ilə əməkdaşlıq edir və robotlarını logistika, istehsal və sənaye işlərində insanlarla birlikdə işləmək üçün hazırlayır. Şirkət Texas Universitetinin robot texnologiyaları laboratoriyasından yaranıb və NASA layihələrindən formalaşıb.

Sərvanə Rəmixanova