İnformasiya və rabitə sektorunda çalışan işçilərin sayı açıqlandı

Cari ilin yanvar-sentyabr aylarında  informasiya və rabitə sektorunda çalışan işçilərin sayı 34 min 459 nəfər olub. 

Valyuta.az xəbər verir ki, bu, ötən ilin eyni dövrü ilə müqayisədə 325 nəfər və ya 0,95% artım deməkdir. 

Belə ki, ötən ilin eyni dövründə bu sahə üzrə işçilərin sayı 34 min 134 nəfər təşkil edib. 

Bu sahə üzrə ən çox işçi rabitə sahəsində 14 min 90 nəfər, ən az isə 905 nəfər olmaqla kinofilmlərin, video və televiziya proqramlarının istehsalı, səsyazma və musiqi nəşrləri ilə əlaqədar fəaliyyət sahəsində qeydə alınıb. Bundan başqa, nəşriyyat fəaliyyəti sahəsində çalışanların sayı 1 256 nəfər, proqramların tərtib edilməsi, radio və televerilişlərin translyasiya edilməsi ilə əlaqədar fəaliyyət sahəsində 6 min 663 nəfər, proqram təminatının işlənməsi, bu sahədə məsləhətlər və bununla əlaqədar fəaliyyət sahəsində 6 min 138 nəfər,  informasiya xidmətləri fəaliyyəti sahəsində isə 5 min 407 nəfər işçi qeydiyyatda olub.

Sərvanə Rəmixanova