Redaktor
İlham Əliyev Ramazan bayramı münasibətilə Azərbaycan xalqını təbrik edib
Prezident İlham Əliyev Ramazan bayramı münasibətilə Azərbaycan xalqına təbrik məktubu ünvanlayıb.
Valyuta.az xəbər verir ki, təbrikdə deyilir:
"Hörmətli həmvətənlər!
Sizi mübarək Ramazan bayramı münasibətilə ürəkdən təbrik edir, hamınıza ən xoş arzu və diləklərimi yetirirəm.
Mənəvi-əxlaqi kamilliyi və nəcib niyyətləri özündə təcəssüm etdirən, insanların ruhunu və təfəkkürünü saflaşdıran on bir ayın sultanı Ramazan artıq başa çatır. Müqəddəs kitabımız Qurani-Kərimin nazil olduğu bu mübarək ayda müsəlmanlar Allah qarşısında vicdani borc və vəzifələrini ləyaqətlə yerinə yetirmək fürsəti qazanır, yardımlaşma, şəfqət və mərhəmət kimi xeyirxah əməllərin sevincini yaşayırlar.
Azərbaycan yüzillərdir ki, ayrı-ayrı etiqad və inancların əmin-amanlıq şəraitində dinc yanaşı mövcud olduğu nadir məkanlardandır. Bəşəriyyəti daim sülhə, humanizmə və qardaşlığa dəvət edən İslam dini tarixən cəmiyyətimizdə etnik-mədəni müxtəlifliyin qorunub saxlanılmasında, qarşılıqlı hörmət və etimada əsaslanan dözümlülük mühitinin və milli-mənəvi həmrəyliyin bərqərar olmasında müstəsna rol oynamışdır.
Əziz bacı və qardaşlarım!
Ramazan ayı hər il xalqımızın birlik və bərabərliyini daha da gücləndirir, xeyirxahlığın və savab əməllərin təntənəsinə çevrilir. Bu mübarək günlərdə dövlətimizin əmin-amanlığı, firavanlığı və tərəqqisi naminə etdiyiniz dualara qoşulur, Azərbaycanın müstəqilliyi və ərazi bütövlüyü uğrunda canından keçmiş qəhrəman şəhidlərimizin xatirəsini ehtiramla yad edirəm.
Bir daha sizə və dünyanın müxtəlif guşələrində yaşayan bütün soydaşlarımıza səmimi təbriklərimi çatdırır, ailələrinizə səadət, süfrələrinizə bol ruzi və bərəkət arzulayıram.
Allah orucunuzu və dualarınızı qəbul etsin.
Ramazan bayramınız mübarək olsun".
Köşə yazıları
Xəbər lenti
Bütün xəbərlərİTSDA-nın icbari tibbi sığorta sahəsindəki səlahiyyətləri ləğv olunub, yeni agentlik yaradılıb
19.03.2026Meyvə-tərəvəz ixracı 144 milyon dolları ötüb
19.03.2026Yanmayan və köhnəlməyən su batareyası: Lityum-ionun hökmranlığı sarsılır
19.03.2026Əmək və əhalinin sosial müdafiəsi nazirinin müavinlərinin sayı artırılıb
19.03.2026"Intel", yoxsa AMD: Prosessor müharibələrində balans dəyişir?
19.03.2026İlham Əliyev Ramazan bayramı münasibətilə Azərbaycan xalqını təbrik edib
19.03.2026İlk iki ayda 35 ədəd noutbuk istehsal edilib
19.03.2026500 000 ABŞ dolları investisiya alan startap
19.03.2026Bu istiqamətdə birbaşa hərəkətə icazə verildi
19.03.2026Firdovsi Əliyev özünə yeni müavin təyin etdi
19.03.2026
Böyük şirkətlərə CV atıb gözləməyin, startaplar yaradın
19.03.2026Lüks dünyasının ilk 3-lüyü - Milyardlıq brendlər
19.03.2026"Omid"ə məxsus mağazada nöqsan aşkarlandı
19.03.2026Qızıla, yoxsa gümüşə investisiya daha yaxşıdır?
19.03.2026
Şirkəti sevirsən, amma rəhbərlə işləyə bilmirsən - çıxış yolu nədir?
19.03.2026Çin bazarında "Nvidia" dominantlığı: Məhdudiyyətlər yumşaldıldı, sifarişlər artdı
19.03.2026Nöqsanlara görə 4 məmura xəbərdarlıq edildi
19.03.2026Rabitəbank “Qlobal Pul Həftəsi 2026” çərçivəsində tələbələr üçün maarifləndirici təşəbbüslə çıxış edib ®
19.03.2026