Lüks dünyasının ilk 3-lüyü - Milyardlıq brendlər

Dünyanın ən dəyərli lüks brendlərinin yeni reytinqi açıqlanıb və nəticələr göstərir ki, bu sahədə liderlik uğrunda rəqabət daha da güclənib.

Valyuta.az xəbər verir ki, siyahıya bu il də "Louis Vuitton" liderlik edir. 111,9 milyard dollarlıq brend dəyəri ilə şirkət təkcə moda deyil, həm də qlobal həyat tərzi simvolu olaraq mövqeyini qoruyur.

Ona ən yaxın rəqib isə 109,4 milyard dollarla "Hermes" olub. 

İlk üçlüyü 62,3 milyard dollar dəyərlə "Chanel" tamamlayır. Klassik üslubu və sabit brend strategiyası "Chanel"i bazarda davamlı şəkildə güclü saxlayır.

Reytinqin davamında "Gucci", "Cartier" və "Dior" kimi nəhənglər yer alıb. Xüsusilə "Cartier" zərgərlik və saat seqmentində artan tələbat sayəsində siyahıda sürətlə yüksələn brendlərdən biri kimi diqqət çəkir.

Siyahının digər iştirakçıları - "Rolex", "Tiffany & Co", "Prada" və "Fendi" isə lüks bazarın müxtəlif seqmentlərində güclü mövqelərini qoruyur.

Maraqlıdır ki, ilk 10-luqda 6 brend Fransaya məxsusdur. Bu da ölkənin hələ də qlobal lüks sənayesinin mərkəzi olduğunu təsdiqləyir.

Sərvanə Rəmixanova