Mobil rabitədən 205 milyon manatdan çox gəlir əldə edilib

Cari ilin yanvar-fevral aylarında informasiya və rabitə sahəsində fəaliyyət göstərən müəssisələr tərəfindən 608,6 milyon manat dəyərində xidmət göstərilib.

Valyuta.az xəbər verir ki, bu, ötən ilin eyni dövrü ilə müqayisədə 54,6 milyon manat və ya 9,86% çoxdur.   

Ötən ilin yanvar-fevral aylarında bu göstərici 554,0 milyon manat təşkil edib.    

Hesabat dövründə xidmətlərdən əldə edilən gəlirlərin 205,3 milyon manatı mobil telefon rabitəsi sahəsində formalaşıb.  

Ötən ilin eyni dövründə bu sahədə gəlirlər 194,8 milyon manat idi. Beləliklə, mobil rabitədən əldə edilən gəlirlər 10,5 milyon manat və ya 5,39% artıb.