Gələcəyin iş modelləri: Süni intellekt və insan nəzarəti balansı

İş dünyasında süni intellektin istifadəsi sadə texnoloji seçimdən daha çox, şirkətlərin təşkilati strukturlarını köklü şəkildə dəyişdirən bir prosesə çevrilib. 

Valyuta.az xəbər verir ki, “Neotalent”in qurucusu və İnsan və Mədəniyyət Strategiyası üzrə mütəxəssis Zeynəb Mete şirkətlərin bu yeni texnologiyanı iş proseslərinə necə daxil etməli olduqları barədə vacib məqamlara diqqət çəkib.

Meteyə görə, süni intellekdən həqiqi mənada fayda götürən şirkətlərin ortaq xüsusiyyəti, bu texnologiyanı müstəqil bir alət kimi yox, iş sistemlərinin ayrılmaz bir hissəsi kimi qəbul etmələridir.

Şirkətlərin süni intellektə sərmayə qoyduqdan sonra etdikləri ən böyük səhvlərdən biri, texnologiyanı yalnız pilot sınaqlarla məhdudlaşdırmaqdır. Süni intellektin komandalar üçün sadəcə “istifadə olunacaq bir alət” kimi təqdim edilməsinin davamlı fayda vermədiyini vurğulayan Zeynəb Mete, sistemlərin iş axınına tam inteqrasiyasının zəruri olduğunu bildirir. Həmçinin, süni intellekt məhsuldarlığı artırsa da, kritik qərarların qəbulunda insan təsdiqi və nəzarətinin həmişə aktiv olması vacibdir.

Gələcəyin iş tərifləri yenidən formalaşır

Süni intellektin geniş yayılması, şirkət mədəniyyətindən işçi qüvvəsinin planlaşdırılmasına qədər bir çox sahəni transformasiyaya məcbur edir. Mete şirkət strategiyalarının “bu iş mövqeyi iki il sonra necə dəyişəcək?” sualına cavab verməli olduğunu bildirir və yalnız təlim verməyin kifayət etmədiyini qeyd edir. Hangi vəzifələrin süni intellektə veriləcəyi, hansılarının birləşəcəyi və ya dəyişəcəyi suallarının aydınlaşması işçi qüvvəsinin planlaşdırılmasında ən vacib məsələ olaraq qalır. Artıq bu transformasiyanın kənarında deyil, tam mərkəzində olduğumuz vurğulanır.

Paşa Məmmədli