Bu kriptovalyuta Trampın adını daşıyacaq

"Trump Media and Technology Group" (TMTG) Truth Social platforması ilə əlaqəli yeni Tramp-token buraxacağını təsdiqləyib.

Valyuta.az xəbər verir ki, "DJT" səhmlərinin hər biri bir rəqəmsal tokenlə əvəz olunacaq və tokenin "Cronos" blokçeynində fəaliyyət göstərməsi planlaşdırılır. Tokenlər mövcud səhmdarlara paylanacaq.

Açıqlama kriptobazarda spekulyasiyaları gücləndirib. Qeyd edək ki, daha əvvəl Donald Trampla əlaqəli tokenlər kəskin yüksəlişdən sonra ciddi dəyər itkisi yaşamışdı: 2025-ci ilin əvvəlində 75 dollara qədər yüksələn token ilin sonuna doğru 5 dollara düşmüş, başqa bir Tramp-token isə 51% ucuzlaşmışdı.

TMTG tokenin ticarətə açılıb-açılmayacağı və buraxılış tarixi ilə bağlı detalların sonradan açıqlanacağını qeyd edir. Bildirilir ki, bu addım siyasi əlaqəli kriptoaktivlərin bazarda yenidən diqqət mərkəzinə düşdüyünü göstərir.