İlon Mask "xAI" üçün kripto mütəxəssisi axtarır

"SpaceX"in tərkibinə daxil edilən "xAI" kriptovalyuta sahəsi üzrə mütəxəssis üçün vakansiya elan edib.

Valyuta.az xəbər verir ki, şirkət bu addımı kripto bazarlarını analiz edə bilən süni intellekt modellərini inkişaf etdirmək məqsədilə atıb.

Məlumata görə, "xAI"nin əsas məqsədi kriptovalyuta yaratmaq və ya bazara yatırım etmək deyil. Hədəf süni intellektin riyazi göstəricilər, ehtimallar, zamanlama və korrelyasiyalar əsasında kripto bazarlarını təhlil etməsini təmin etməkdir.

Bildirilir ki, "Grok" modeli gələcəkdə zəncir üzəri (on-chain) məlumatları və tokenomika göstəricilərini analiz edə, yüksək volatillik dövrlərində isə emosiyalardan uzaq qərarlar verə biləcək.

Qeyd edək ki, İlon Mask 2021-ci ildən sonra kriptovalyutalarla bağlı açıqlamaları minimuma endirib.

Sərvanə Rəmixanova