"Ford" 254 min avtomobili geri çağırır: Səbəb nədir?

"Ford Motor" ABŞ-da 254 640 krossover və yolsuzluq avtomobilini geri çağırır. 

Valyuta.az xəbər verir ki, bu barədə “Reuters” ABŞ-ın Milli Avtomobil Yolları Hərəkət Təhlükəsizliyi Administrasiyasının məlumatlarına istinadən xəbər verir.

Geri çağırılma proqram təminatında yaranan problemlərlə bağlıdır. Bu nasazlıqlar səbəbindən arxa görüntü kamerasının təsviri yoxa çıxa bilər, həmçinin sürücüyə yardım sistemlərinin bir hissəsi işləməyə bilər. Bunlara toqquşmanın qarşısını alma sistemi, zolaqda saxlama sistemi və “kor zona” monitorinqi daxildir.

Geri çağırılan modellər arasında “Ford Explorer”, “Lincoln Navigator”, “Lincoln Nautilus” və “Lincoln Aviator” yer alır (“Lincoln” markası “Ford Motor Company”yə məxsusdur). Bildirilir ki, proqram təminatının yenilənməsi dilerlər tərəfindən və ya istehsalçı tərəfindən uzaqdan – simsiz yeniləmə vasitəsilə həyata keçiriləcək.

Paşa Məmmədli