"Instagram" gözlənilən yeni funksiyasını təqdim etdi

"Instagram" istifadəçilər üçün yeni funksiya təqdim edib.

Valyuta.az xəbər verir ki, artıq istifadəçilər “carousel” (bir neçə şəkil və ya video olan paylaşımlar) postlarında yerləşdirilən şəkil və videoların sırasını paylaşım edildikdən sonra da dəyişə biləcəklər.

Qeyd edək ki, indiyədək belə paylaşımlarda sıralama sabit olurdu və hər hansı səhv olduqda istifadəçilər postu silərək yenidən paylaşmalı olurdular. Bu isə bəyənmə və şərhlərin itirilməsinə səbəb olurdu.

Yeni funksiya sayəsində istifadəçilər sadəcə “Düzəliş et” bölməsinə daxil olaraq şəkil və ya videonu basıb saxlayaraq sağa və ya sola sürüşdürməklə sıralamanı dəyişə biləcəklər.

Şirkət bildirir ki, bu yenilik istifadəçilərə paylaşımlar üzərində daha çox nəzarət imkanı verir. Funksiya hazırda mərhələli şəkildə istifadəyə verilir və bütün istifadəçilər üçün eyni anda aktiv olmaya bilər.