Ev təsərrüfatlarına verilən kreditlər 18 milyardı ötüb

Ev təsərrüfatlarına verilən kreditlərdə artım qeydə alınıb.

Valyuta.az xəbər verir ki, ötən ay ev təsərrüfatlarına verilən cəmi kredit qoyuluşu 18 milyard 230,4 milyon manat təşkil edib.

Mərkəzi Bankın məlumatlarına əsasən, sözügedən kredit qoyuluşlarında artım 1 milyard 755,2 milyon manat və ya 10,65% olub.

Belə ki, ötən ilin eyni dövründə ev təsərrüfatlarına verilən kreditlərin cəmi 16 milyard 475,2 milyon manat təşkil edib.

Bu ümumi məbləğin əsas hissəsini - 16 milyard 199,1 milyon manatını uzunmüddətli kreditlər təşkil edib.

Uzunmüddətli kredit qoyuluşlarında 1 milyard 705 milyon manat və ya 11,76% artım qeydə alınıb. 2025-ci ilin ilk ayında ev təsərrüfatlarına verilən uzunmüddətli kreditlər 14 milyard 494,1 milyon manat idi.

Həmçinin ev təsərrüfatlarına verilən qısamüddətli kreditlərdə də 50,1 milyon manat və ya 2,52% artım müşahidə olunub.

Cari ilin ilk ayında 2 milyard 31,2 milyon manat kredit qoyuluşu olub ki, bu da ötən ilin eyni dövründə 1 milyard 981,1 milyon manat təşkil edib.

Sərvanə Rəmixanova