Bankların aktivləri 3 milyard manatdan çox artıb

2026-cı ilin yanvar ayında Azərbaycanda fəaliyyət göstərən bankların cəmi aktivləri 56 milyard 935,8 mln. manat təşkil edib.

Valyuta.az xəbər verir ki, cəmi aktivlər ötən ilin eyni dövrü ilə müqayisədə 3 milyard 845,1 mln. manat və ya 7,24 % artıb.

Belə ki, 2025-ci ilin yanvar ayında bank sektorunun cəmi aktivləri 53 milyard 90,7 mln. manat olub.

Hesabat dövründə bank sektorunun cəmi öhdəlikləri də artım göstərib. Öhdəliklər ötən ilin müvafiq dövrü ilə müqayisədə 3 milyard 126,4 mln. manat və ya 6,74% artaraq 2026-cı ilin yanvar ayında 49 milyard 528,7 mln. manata çatıb.

Qeyd edək ki, 2025-ci ilin yanvar ayında bank sektorunun cəmi öhdəlikləri 46 milyard 402,3 mln. manat təşkil edib.

Eyni zamanda, bank sektorunun balans kapitalı 2025-ci ilin yanvar ayındakı 6 milyard 688,4 mln. manatdan 718,7 mln. manat artaraq 7 milyard 407,1 mln. manata yüksəlib.

Tənzilə Ağabalayeva